Dr. Jhon və Julie Gottman illərlə apardığı araşdırmalardan sonra sağlam münasibətlərin doqquz komponenti haqqında nəzəriyyə hazırladılar. Bu nəzəriyyəyə görə, xoşbəxt cütlüklər və ya “münasibət ustaları” münasibətlərində aşağıdakı doqquz prinsipdən istifadə edirlər.
Bunlar:
1.Güvən: Partnyorunuzun təkcə öz maraqları və faydaları haqqında düşünmədiyini, həm də sizə uyğun düşündüyünü və hərəkət etdiyini bilmək. Yəni “yoldaşım arxamdadır, yanımdadır” deyə bilməkdir.
2.Öhdəlik: Partnyorunuzla münasibətinizin ömürlük bir səyahət olduğuna inanmaq. Məsələn, “mən bu insanla bir həyat yaşaya bilərəm” deməkdir.
Bu, həm də tərəfdaşınızın müsbət keyfiyyətlərini qiymətləndirmək və onlara minnətdarlığınızı göstərmək üçün xəyali və ya real olan başqaları ilə müqayisə etməməyi də əhatə edir.
3.Sevgi Xəritələrinin yaradılması: Bu, tərəfdaşınızın daxili psixoloji dünyası, keçmişi, qayğıları, qorxuları, stressləri, maraqları və ümidləri haqqında bilməkdən ibarətdir.
4.Diqqət və Marağları Paylaşmaq: Bu, əlaqədə bir-birinizə olan diqqətinizi və maraqlanmağınızı ehtiva edir. Bu, yalnız tərəfdaşınıza maraq və heyranlıq göstərmək deyil, həm də onunla bölüşmək daxildir.
5.Bir-birinizə yönəlmək və Duyğusal Bank Hesabı Yaratmaq: Günün kiçik anlarında bir-birinizə yönəlmənizi əhatə edir. Məsələn, tərəfdaşınızla söhbətə başlamaq üçün kiçik bir toxunuş və ya bir söz ola bilər.
Münasibətlərdə ehtiyaclarınızı bölüşmək də daxildir. Hisslərinizi və ehtiyaclarınızı partnyorunuzla bölüşmək duyğusal yaxınlıq yaradan mühüm amildir.
6.Müsbət Baxış Bucağı: Bu, özünüzə və partnyorunuza müsbət baxmağı əhatə edir. Bu, problemlər haqqında danışmağa açıq olmağı və onları həll etməyə çalışmağı əhatə edir.
7.Münaqişənin idarə edilməsi: Münaqişəni “həll etmək”deyil, “idarə etmək” demək daha məqsədəuyğundur, çünki münasibətlərdə münaqişələri həll etmək mümkün deyil. Münasibətlərdəki fikir ayrılıqlarını qəbul edib danışmaq daha məqsədəuyğundur. Əhəmiyyətli olan problemlərlə bağlı dialoqa açıq olmaqdır.
Partnyorunuzdan yeni bir fikir gəldiyi zaman, bu, partnyorunuzu dinləmək və onun dediyi ideya üzərində düşünməkdən ibarətdir, sadəcə təxmin etmək deyil.
8.Xəyalları gerçəkləşdirmək: Bu, tərəfdaşınızın ümidləri, xəyalları, dəyərləri, ilhamları və inancları haqqında danışa biləcəyi bir atmosfer yaratmağı əhatə edir. Xəyallarını gerçəkləşdirmək üçün tərəfdaşınıza dəstək olun.
9.Ortaq Anlam Yaratmaq: Müxtəlif mənşəli iki insan bir münasibətdə bir araya gəlir. Onlar birlikdə “biz qavramı” yaradırlar və münasibətlərə dair perspektivlərini,baxışlarını,hekayələrini və rituallarını ortaya qoyurlar. Məsələn, “Ad günləri münasibətimizdə/ailəmizdə ….. kimi qeyd olunur” və ya “Pul bizim üçün ….. deməkdir” dediyiniz şeylər var.