Münasibətlərdə kişilərin ən çox şikayət etdiyi məsələ, həyat yoldaşlarının onları dəyişdirməyə çalışmalarını düşünmələridir. Qadınlarda isə yoldaşlarının onlara qulaq asmadıqlarını düşünmələridir. Əsas odur ki, kişi və qadının təbiəti, münasibətlərə, hadisələrə reaksiyaları bir-birindən fərqlidir.
Bu fərqlər görünməsə və ya diqqət çəkməzsə, münasibətlər“Mən və həyat yoldaşım ayrı dünyanın insanlarıyıq və biz ayrılmalıyıq” deyə sonlanar.Qadınlar kişilərin hadisələr qarşısındakı reaksiyalarını əvvəlcədən bilsələr, onlara edilən davranışı təhqir kimi qəbul etməzlər və buna görə onların münasibətləri pozulmaz. Qadınlar yaşadıqları problemlər qarşısında dinlənilmək və problemi paylaşmaq üçün proqramlaşdırılıblar. Onların ilk məqsədi danışmaq, paylaşmaq və ən əsası dinlənilməkdir. Hətta qadınlar da danışarkən düşünən varlıqlardır.
Kişilər isə problemlə qarşılaşdıqda problemləri özləri həll etmək istəyirlər. Qadınların yeganə qayğısı dinlənilməkdir lakin dinlənilmədiklərini və başa düşülmədiklərini hiss etdikcə danışdıqları mövzu ilə bağlı köhnə söhbətlərini xatırlamağa başlayırlar, kişilər isə birdən çox mövzu gündəmə gələndə özünü uğursuz,bacarıqsız kimi hiss edirlər.
Çünki kişilər dərhal nəsihət vermə tərzinə üstünlük verirlər, qadınlar belə olduğu təqdirdə başa düşülmədiklərini hiss edirlər. Beləliklə, köhnə məsələlər ön plana çıxır. Bir sözlə, kişilər problemləri həll etmək üçün proqramlaşdırılıblar. Həll yolu təklif etdikcə qadınlar daha çox danışmağa, mövzu açmağa başlayırlar bunun qarşısında kişiləri çarə tapa bilməmə, uğursuzluq hissi bürüyür.
Təbii ki, qarşılaşdıqları problemə çarə tapmaq kişilərin təbiətlərində var, lakin qadınlar bir-birinin ardınca problemləri sıraladıqca kişilər çarə tapa bilmir, özlərini qeyri-kafi və uğursuz hiss edirlər.
Bundan əlavə, kişilər qadınların daimi danışmaq istəyini şikayət kimi qəbul edirlər.
Buna görə də həyat yoldaşını xoşbəxt edə bilməyəndə narazılıq və uğursuzluq hissləri güclənir. Bu uğursuzluq sonradan təkrarlanacağı üçün həyat yoldaşlarını dinləməməyə, məsafə saxlamağa başlayırlar. Bu məsafə həm də kişini xoşbəxtliyi kənarda axtarmağa sövq edir.
Qadınlar dərdlərini söyləyərkən çarə axtarmırlar, onlarin istəyi sadəcə paylaşmaqdır. Bu, duyğuların paylaşılmasıdır. Qadınlar da gündəlik həyatda problem olarkən dərhal rəfiqəsinə zəng vurub görüşüb söhbət etmək və ya telefonla danışmaq istəyirlər. Əslində qadınların niyyəti danışmaq və paylaşmaq istəyidir. Kişilər isə problemlə qarşılaşdıqda problemi özləri həll etmək istəyirlər.
Dostlarını çağırmırlar, çağırsalar da, o mövzunu paylaşmaq üçün deyil, arxa planda düşünüb fikirlərini yayındırmaq üçündür. Kişilərdə “Mən problemimi özüm həll edirəm. Nəyə görə köməyə ehtiyacım var?” düşüncəsi üstünlük təşkil edir. Onlar evdə olanda pultla saatlarla kanallar arasında dolaşmaqdan,idman proqramlarına baxarkən belə əslində arxa planda çarə tapmağa çalışırlar. Bu halda tək qalmaq istəyi ön plana çıxa bilər.Eyni vəziyyətdə qadınlar maraqlanarkən kömək təklifi edərkən kişi öz problemlərini həll etməkdə aciz olduğunu hiss edir və bunun altında uğursuzluq hissi ilə mübarizə başlayır.