Həqiqət budur ki, problemsiz evlilik yoxdur, problemlərini həll edə bilməyən cütlüklər var.Əslində bu həll olunmamış problemlər evliliklərdə bəzən çox böyük anlaşılmazlıqlara gətirib çıxarır.Çünki hər bir problem açıq və səmimi ünsiyyətlə və qarşılıqlı çeviklik göstərməklə həll oluna bilsə, evliliklərdə bu problem yığılması, bu yığılmanın yaratdığı psixoloji yorğunluq,həyat yoldaşları arasında məsafə və küskünlük yaşanmaz. Gördüyümüz odur ki, son illər evlilik münasibətlərində yaranan problemlərin səmimiyyət və əməkdaşlıqla həlli üsuluna riayət olunmur.Bu səbəbdən də ölkəmizdə həm evliliklərin keyfiyyəti aşağı düşüb, həm də boşanmaların sayı artıb.
Beləliklə, boşanma ailə problemlərinin əsl həllidirmi?
Bu bir həqiqətdir ki, bir insanın həyat yoldaşı kim olmasından asılı olmayaraq hər bir məsələdə eyni düşünməsi, hiss etməsi və eyni davranması qeyri-mümkündür.Çünki hər bir insan özünəməxsus bir xaraktere sahibdir. Buna görə də heç kim özü kimi həyat yoldaşı tapa bilməyəcək. Üstəlik qadın və kişi aləmində cinsiyyət, hormonal quruluş və tərbiyə ilə əlaqədar olaraq qadınların həyatı, kişilərin isə həyatı qavrayışında çoxölçülü fərqlər mövcuddur.Ona görə də həyat yoldaşının kim olmasından asılı olmayaraq insanın fərqli tərəflərlə qarşılaşması qaçınılmazdır. Əhəmiyyətli olan bu fərqləri necə paylaşmaqdır.
Problem həllində çarənin istehsal olunduğu, orta yolun necə tapıldığı və ortaq qərarın necə ortaya çıxa biləcəyidir.Burada həm kişilərə, həm də qadınlara düşən öhdəlik çevik davranış və ortaq qərar alma və məsuliyyətin paylaşılmasını inkişaf etdirməkdir.Məhz bu birgə səylər evlilik münasibətlərini inkişaf etdirir və möhkəmləndirir. Əgər insanlar bu birgə səy göstərmək əvəzinə əvvəlcə problemləri ötürməklə üst üstə toplayaraq, sonra isə məyusluq üzündən boşanmağı düşünürlərsə, bilməlidirlər ki, əslində həll yolu olaraq həyata keçirəcəkləri boşanma onlara yeni həyat qurmaqdan qat-qat baha başa gələcək.Yeni həyat yoldaşının yenidən evləndiyi təqdirdə daha uyğun olacağına heç bir zəmanət yoxdur.