Sevildiyini anlamamaq, duyğusal yoxsulluq

Uşaqlıqda insanın,əsas qayğı göstərənlərindən kifayət qədər diqqət və sevgi ala bilməməsi, gələcəkdə münasibətlərində tənha hiss etməsinə, anlaşılmamasına və kifayət qədər sevilmədiyini düşünməsinə səbəb ola bilər. İnsanların bilmədiklərinin əskikliyini dərk etməsi çətin olduğu üçün duyğu yoxsulluğu yaşadıqlarını başa düşmələri asan olmaya bilər.İnsanlardakı duyğu yoxsulluğu hissi xüsusilə ananın etinasızlıq səviyyəsinə görə fərqlənə bilər.Əlavə olaraq başqa adamın/şəxslərin (ata, nənə və s.) diqqəti olduğu halda, ana laqeyd olub ata sevgi göstərərsə bu halda duyğu yoxsulluğu hissi daha az yarana bilər.Emosional yoxsulluq yaşayanlar tərk edildikdən sonra travma yaşamamaq üçün ya münasibətlərini səthi yaşayarlar, bağlılıqdan qorxarlar, ya da həyat yoldaşlarına çox basqı edər,nə istədiklərini tam olaraq heç vaxt deməzlər,istədikləri olmayanda isə əsəbiləşərlər.İstədiklərini alsalar belə kifayətlənməzlər. Bəzi şeylər əskikdir, amma nəyin əskik olduğunu tam başa düşə bilməzlər.

Duyğu yoxsulluğu hissinin bərpası:
Uşaqlıqda valideynlərinizlə münasibətinizi təsəvvür etməyə çalışın, bu sizə necə hisslər yaradır, qarşılanmamış duyğusal ehtiyaclarınız nələrdir, hazırda hansı emosional ehtiyaclarınız var?
• Hiss etdiyiniz çatışmazlıqlar münasibətlərinizdə təkrarlanır, anlamağa çalışın.
• Nədən qaçdığınızı, qaçmaq üçün hansı üsulları seçdiyinizi dərk etməyə çalışın, bunların nə vaxt təkrarlandığını görməyə və bu davranışları dəyişdirməyə çalışın.
• İttihamçı olmayın, güman etməyin. Həyat yoldaşınızla danışın, emosional ehtiyaclarınızı və qorxularınızı onunla bölüşün.
• Sizi emosional olaraq yoxsul, soyuq və ya qərarsız hiss etdirən insanlar çox diqqətinizi çəkəcək , baxış bucağınızın eyni olduğunu düşünsəniz də münasibət qurmayın.
• Sizə şəfqətlə yanaşan, yanınızda olmağı sevən insanlara şans verin, onları sizdən uzaqlaşdırmayın.
• Sevməyə və sevilməyə layiq olduğunuzu, sağlam və etibarlı münasibətlər qura biləcəyinizi unutmayın.Keçmiş təcrübələriniz natamam olsa belə, şüurla həyatınızda və münasibətlərinizdə böyük dəyişikliklər yaratmağınız mümkün ola bilər.