Xəyanət zamanı tərəflərin psixoloji durumu

Evlilikdə qarşı tərəfin həyat yoldaşına bağlılığın olmaması və sərbəst hərəkət etməsi qədər qorxulu bir şey yoxdur.
Münasibətlərdə aldatma cütlük arasında böyük güvən itkisinə gətirib çıxarır.Cütlüyün münasibətlərində qeyri-səmimiliyə və münasibətlərinin daha da pisləşməsinə səbəb olur. Evlilik münasibətlərində güvən itkisi, üçüncü şəxslə cinsi əlaqədən çox aralarında olan gizlilikdən də qaynaqlanır. Bu gün insanın yalan danışdığı, məlumat gizlətdiyi, aldatdığı bir insana özünü yaxın hiss etməsi mümkün deyil. Xəyanət həyat yoldaşını təcrid olunmuş və getdikcə özgəninkiləşdirilən bir vəziyyətdə saxlayır. Bir sözlə, aldadan tərəf yalan danışdığı həyat yoldaşının yanında özünü rahat hiss edə bilmir.

Gizli bir əlaqənin üzə çıxarılması evlilik əlaqəsinə zərər vurma potensialına malikdir, ancaq həyat yoldaşlarının dürüstlüyünə və bağlılığına görə evlilik əlaqəsini dəyişdirə bilər.

Xəyanət üzə çıxdıqdan sonra münasibətdə nə baş verir?
Xəyanət baş verdikdə, ilk növbədə aldadılan həyat yoldaşını narahat edər.
Gecə yarısına qədər davam edən canlı mübahisələr başlayar.
Çox vaxt bu müzakirələr bəzən ehtiraslı sevişmə ilə yer dəyişər.
Münasibət mənasında həm müsbət, həm də mənfi gərginliklər çox yüksək səviyyələrə qalxar. Gərginlik aldatma böhranı zamanı onların münasibətlərini canlandırmağa kömək edər. Bu nöqtədə ayrılmaq və yaxudda evliliyi gələcəyə daşımaq qərarı verilər. Xəyanətin üzə çıxmasından sonra cütlük necə yenidən güvən yarada bilər?
Bunun üçün cütlük öz münasibətlərini incələməlidir. Əgər münasibətlərində qayğı əskikliyi varsa bunu qəbul etməıidirlər.Münasibətdə olan iki insanın hər biri əlaqənin necə davam etdiyinə görə məsuliyyət daşıyır. Və hər ikisi bu məsuliyyəti öz üzərinə götürməlidir. Hər ikisi başa düşməlidirlər ki, bir-birinin qayğısına qalmazlarsa güvən yarana bilməz.

Bu andan etibarən cütlərin xəyanətinin aşkarlanmasını yaxınlaşmaqlarındakı və seçdikləri yolda davam etmələrindəki problemi aşmaq üçün trambolin kimi istifadə edilə bilər. Güvən münasibətlərin əsasını təşkil edir. Bu, münasibətdə olan hər bir fərdin dürüstlüyündən qidalanır. Aldadılan xəyanət aşkar edildikdən sonra həqiqəti eşitməsi çox ağrılı olsa da, insan həqiqəti qorxu və fantaziyadan daha asan qəbuı edə bilir. Ancaq aldatma ifşa edildikdən sonra işlər ümumiyyətlə rahat getmir. Tipik olaraq aldadılan bəzən aldığı travmanın ağrı və sarsıntısının təsiri ilə həyat yoldaşını evi tərk etməyə məcbur edir, ya da reaktiv davranaraq evdən çıxır, həyat yoldaşının hər şeyini nəzarətdə saxlayır. Daim mobil telefonlarını, e-poçtlarını yoxlayırlar. Başqa sözlə, təhlükəsizlik axtarışları güvən hissinin yerini alır. Bu isə sevgi münasibətlərinin kimyasını pozur. Evlilikdə ailəni ən çox iki şey sarsıdır. Bunlardan biri ölüm, digəri aldatmadır. Əslində, aldatma ailəni ölümdən çox sarsıdır. Çünki aldatma ölüm kimi təbii bir hadisə deyil. Araşdırmalarda, aldatma nəticəsində yaranan depressiyanın həyat yoldaşının ölümündən qaynaqlanan depressiyadan daha çox olduğu tapılıb. Çünki cinsəllik bir insan üçün xüsusi bir insanla paylaşılacaq bir şeydir. İstənilən başqa davranış insan təbiətinə ziddir.

Aldanmış insan özünü dəyərsiz, sevgiyə layiq olmayan hiss edir.Bu emosional vəziyyətdə nə edəcəyini bilmir. Bu vəziyyət onun həyat yoldaşından qisas almasına səbəb ola bilər. Beləliklə, aldadılan həyat yoldaşı bu tələyə düşə bilər.
Ümumiyyətlə, aldadılan tərəf qadındırsa, bəziləri hisslərini boğar,içində çəkərək öz gücünə ailəsini qorumağa çalışar. Başqa bir hissəsi isə evliliyini/münasibətini bitirər. Bəzən aldadan üçüncü şəxslə münasibəti bitirsə və evlilik davam etsə belə, aldadılan insan özünün təhqir olunduğunu hiss edir. Aldadılan üçbucağın digər tərəfindəki insanda nə tapdığını soruşmağa başlayar. Beləliklə,ailənin bərpası asan bir hal deyil.

Tərəflər aldatma aşkar edildikdən sonra öz münasibətlərini vicdanla nəzərdən keçirməlidirlər. Onlar şok halında bir-birlərindən daha da uzaqlaşaraq və mövcud münasibətlərini daha da korlamaqla cavab vermək tələsinə düşməməlidirlər.
Xəyanət aşkar edildikdən sonra, aldadılmış həyat yoldaşı ən azı bir müddət düşüncə, duyğu və davranış prosesləri üzərində nəzarəti itirər.Onun bu mövzuda qarşı tərəfə daim suallar vermək ehtiyacı var.